ردت اكتب قصيدة اتغزل وياك

ردت اكتب قصيدة اتغزل وياك
حرت ياصوب منك ياكتر احجي
حيرتي العقل والبال ظل مشدوه
وصار القلم وحده يسولف بقصتي
كال ابدي من العيون
كتله العين بلوه وبالنظر وردي
الحواجب بالقلم مرسوم
هلال ولونهن كحلي
الشفايف عسل مدري رمان
بس من شوفتهن تروي
وحمار الخد يظل حزوره اجيال
وي تفاح لبنان حيرت فكري
كعدت يم الناس اسولف بيج
كالو جني هذا ومانعتقد انسي
كعدت يم امي . اتسامر بليل
كالت ليش عتندهني بأسمها وعايف اسمي
يحيى ولميس تعاركو فد يوم
لأن شافت يحيى لازم صورتج ويبجي
وكوسوفي اللي كتل روحه على نرمين
عضعض اصبعه وصاح وين جنتي
ومهند عاف نور وبقى محتار
مدري يبقى لو الج يلفي
والأسمر كال اعيش شلون
وجمالج مستحل كتلي
يابنت الناس شوفي للخلك جاره
ليش نسوان البلد اطلكن شرعي
يازلمة اللي يشوفك ينعجب بيج
وغم كصته ويقول اهمده بختي
جمالج هذا لازم ينستر فد يوم
وللشارع بعد لا تطلعين تمشي
شارعكم خلص مابيه بشر فد نوب
يم بابج تطيح الناس لو مرة سلمتي
واني مسكين واكابر وفوكاها جذاب
واني نفسيتي ابيه وهذه مشكلتي
من تتعدين يمي اغمض العين
وادورن وجهي عنج لو تبسمتي
بس ماتدرين الم تراب شارعكم
لأن ثوبج طويل ولاحه من تمشي
وحضرت اهلي وكل عمامي
وكلت الخوالي وخابرت عمتي
كتلهم اني نويت اتزوج
واريدن هالقمر مرتي
رحت حللت دمي كالولي ممنوع
هاي حلوة وانت ماتدري ؟
سكر صار عندك من قبل يومين
اثاري بالحلم باستني من شفتي